إذا عندك مشكلة تواجهك أو كنت مهموم أو أي شي..تعالوا نتناقش...

بسم الله الرحمن الرحيم

السلام عليكم ورحمة الله وبركاته

حبيت أطرح على أسرة منتدانا الغالي هذا الموضوع ...

شو رأيكم نتناقش حول مشاكلنا في الحياة .. أو همومنا الي فينا .. أو أي شيء حابب تطرحه علينا ..

عنا بسوريا بنحكي ( فشفشلي ) .. يعني احكيلي همومك ..

وطبعا بالأخير الهدف هو الإستفادة للجميع وليس مجرد نقاش بيننا ..

ـــــــــــــــــــــــــــــــــــ ــــــــــــــــــــــــ

سأبدأ بنفسي بالحديث عن المشكلة التي تواجهني في حياتي .. باختصار شديد .. ولا أطليل بمشيئة الله تعالى ..

..( درست 12 سنة في مدرسة حكومية .. يعني اللغة التي كانت في المنهاج هي العربية .. شيء طيب ..
واللغة الإنجليزية كانت جدا ضعيفة .. المهم .. بحمدالله نجحت بالثانوية العامة بتقدير جيد .. ودخلت جامعة حكومية أيضا لكن منهاجها باللغة الإنجليزية كاملا .. والله يسلمكم .. بامتحان تحديد المستوى بالإنجليزي .. دخلت مستوى صفر .. من أصل 3 مستويات .. والمصيبة المستوى الصفري من دون مواد .. يعني فصل كامل أتعلم مبادئ اللغة مثل التمهيدي .. والصراحة هالشي جعلني أتأثر نفسيا بشكل بسيط بحمدالله .. وعلى فكرة شباب دفعتي منهم الي خلص الانجليزي من أول فصل ومنهم من دخل المستوى 3 على طول .. باختصار .. أنا لحد هلأ بالمستوى 3 .. بتعرفوا من متى؟ دخلت الجامعة 2005 .. أخذت المستوى الصفري - الأول - الثاني - الثاني - الثالث - الثالث .. شو رأيكم؟
3 سنين بس بالانجليزي .. خرب حياتي الجامعية كلها .. وعلى فكرة .. شباب دفعتي باقيلهم سنة أو سنة ونص بالكثير .. ويتخرجوا من الجامعة .. وأنا لسا ما خلصت أساسيات الجامعة .. ولسا في أساسيات الكلية .. يعني باقيلي كحد أدنى 3 سنين .. يعني تقريبا 6 سنين بالجامعة .. تخصصي ادارة ومابعرف اذا رح أكمل بالكلية أو لأ .. المصيبة الأكبر أن رسبت بمواد من الكلية بسبب الإنجليزي .. وأخذت إنذار أول لأن معدلي نزل بشكل كبير بسبب رسوبي بالمستوى 3 الفصل الماضي .. رح تحكولي ليش مابدرس .. بس صدقوني هالشي ترك فيني عقدة نفسية مابعرف متى رح تزول .. مشكلة الانذار أن الجامعة ترسله للأهل عن طريق البريد .. شو المشكلة ..
من قبل 4 سنين .. أبتليت بالحب مع فتاة .. وأخذت عهد بيني وبين نفسي أني لا أترك البنت من غير ما أتزوجها .. الحمدلله نيتي فيها صالحة .. وأريد الزواج منها .. طبعا مو هلأ .. يعني لا أريد أن أترك الفتاة بعدما عشنا هالفترة الطويلة مع بعض .. أريد أن أكفر عن ذنوبي وأتزوج بها .. طبعا مو عشان هذا الشيء فقط أريد الزواج منها .. لكن هذا أحد الأسباب .. المهم .. قبل شهر تقريبا .. فتحت موضوع البنت على أهلي .. وحكيتلهم أني بدي أخطبها لا أكثر .. لأني خايف أبوها يزوجها حد غيري لأنها بالسنة الأخيرة من الدراسة .. وأهلي بحمدالله وافقوا وحكا والدي مع والدها .. وننتظر الأجابة من والدها .. المهم بهي الفترة الجامعة احتمال كبير جدا ترسل الإنذار للوالد .. والوالد أعزكم الله شديد جدا بهاي المواقف .. يعني الصراحة دخولي على الجامعة أنا وأخي الكبير فقط من بين 6 أخوة .. يعني فرصتي باكمال الدراسة .. يعني أي شيء بصير الي بالجامعة الوالد يعصب كثير .. كيف لمن يعرف أنو عندي إنذاااااااااار !!!
وأنا هلأ قاعد على أعصابي .. على فكرة كل هاذ من تحت الإنجليزي .. يعني اذا كنت مكمل مع الشباب كان باقيلي سنة ونصف وكنت بدأت حياتي الطبيعية ... وعلى فكرة أنا مضطر أدخل هذه الجامعة .. والجامعة الصراحة ولا أروع .. بس الظروف الي حكيت عنعا خلتني بالحالة هي .. والحمدلله .. اليأس ملتغى من راسي ..

أعتذر لأني أطلت الحديث .. والصراحة حاسس أني عم بحكي جنب صاحب لي .. وهي مشكلتي باختصار ..

انشالله يعجبكم الموضوع .. وبانتظار مشاركاتكم

تقبلوا تحياتي

أخوكم